wo ja chuki he

woh ja chuki hai mager abhi tak.....
woh ja chuki hai mager abhi tak

fizaon mein os ka dheema lehja racha hua hai

osi ki sanson ki khushboon se

hamara daman bhara hua hai

hamare dil mein osi ki chahat bassi hoi hai

badan ki saari kitab os ki hi ungalion se likhi hoi hay

woh jab mile to osey yeh kehna

kisi ki aankhon ki putlion mein tumhari tasveer rehh gae hey

jo ho sake to mita do ous ko

jo dil k berbat mein geet tum ne jagha diya tha

tumhare jaate hi so gya hai

kisi ki haathon k jaal mein tum ne apne honton se jo likha tha

woh lafz pal bher mein khoo gya hai

woh ja chuka hai ager to ab tak

yeh chand shab bher hamari chhat per

kion aa k os ka nishan dhoondhey

osi ki babat sawal poochay

jawab hum se na ban parey to

woh apni kirnon ki seerion ko hamari palkon k saath rakh ker

sitare oun mein utaarta hai

woh ja chuka hai to kion hai ab bhi

nafss nafss mein khumaar os ka

nazer nazer main dager dager per likha hey kion intazaar os ka

woh ja chuka hai mager abhi tak.....

• 19 July 2007
• 1 comment
• rating: 10.0